यो ऐन वा प्रचलित कानूनबमोजिम सम्पत्ति कर लाग्ने सम्पत्ति भएको भनी कुनै व्यक्ति उपर शंका लागेमा कर अधिकृतले त्यस्तो व्यक्तिलाई आफ्नो सम्पत्तिको विवरण दाखिला गर्नु गराउनु भनी लिखित आदेश दिन सक्नेछ । सो आदेश पाएको मितिले पैंतीस दिनभित्र आफ्नो सम्पत्तिको विवरण तोकिएको ढाँचामा कर अधिकृत समक्ष दाखिल गर्नु गराउनु पर्नेछ ।

तर पैंतीस दिनभित्र पनि विवरण दाखिल गर्न गराउनु नसक्ने करदाताले सो कुराको लिखित सूचना म्यादभित्रै कर अधिकृतलाई दिनु पर्नेछ र सो कारण कर अधिकृतलाई मनासिव लागेमा निजले बढीमा एक महीनासम्मको थप म्याद दिन सक्नेछ ।